Almatyda ótip jatqan Ýniversiadada biatlon boiynsha sprinttik jarysta qazaqstandyq sportshy Galina Vishnevskaia jeńiske jetti, dep habarlaidy "Ult aqparat".
Ol 7,5 shaqyrymǵa sprint saiysynda synǵa túsip, úzdik tanylyp otyr. Otandasymyz óz qashyqtyǵyn 21 minýt, 43,1 sekýndta baǵyndyrdy.
Ekinshi oryndy ýkrainalyq sportshy Iana Bondar mise tutsa, úshinshi orynǵa reseilik Anastasiia Egorova taban tiredi.
Eske sala keteiik, bul Vishnevskaianyń Ýniversiada jolyndaǵy ekinshi júldesi. Buǵan deiin sportshymyz 15 shaqyrymǵa jekelei synǵa túsip, tek Alina Raikovany alǵa jiberip, kúmis júlde alǵan edi.
Osylaisha Ýniversiada oiyndaryndaǵy Qazaqstan quramasynyń qorjyny taǵy bir altynmen tolyqty.
