الماتىدا ٶتٸپ جاتقان ۋنيۆەرسيادادا بياتلون بويىنشا سپرينتتٸك جارىستا قازاقستاندىق سپورتشى گالينا ۆيشنەۆسكايا جەڭٸسكە جەتتٸ, دەپ حابارلايدى "ۇلت اقپارات".
ول 7,5 شاقىرىمعا سپرينت سايىسىندا سىنعا تٷسٸپ, ٷزدٸك تانىلىپ وتىر. وتانداسىمىز ٶز قاشىقتىعىن 21 مينۋت, 43,1 سەكۋندتا باعىندىردى.
ەكٸنشٸ ورىندى ۋكراينالىق سپورتشى يانا بوندار مٸسە تۇتسا, ٷشٸنشٸ ورىنعا رەسەيلٸك اناستاسييا ەگوروۆا تابان تٸرەدٸ.
ەسكە سالا كەتەيٸك, بۇل ۆيشنەۆسكايانىڭ ۋنيۆەرسيادا جولىنداعى ەكٸنشٸ جٷلدەسٸ. بۇعان دەيٸن سپورتشىمىز 15 شاقىرىمعا جەكەلەي سىنعا تٷسٸپ, تەك الينا رايكوۆانى العا جٸبەرٸپ, كٷمٸس جٷلدە العان ەدٸ.
وسىلايشا ۋنيۆەرسيادا ويىندارىنداعى قازاقستان قۇراماسىنىڭ قورجىنى تاعى بٸر التىنمەن تولىقتى.
