Úndistannyń Premer-ministri Narendra Modi Twitter-de QR Prezidenti Qasym Jomart Toqaevqa jaýap berdi, dep habarlaidy "Ult aqparat".
«Jyly sózderińiz úshin Prezident @TokayevKZ Sizge rahmet. Úndistan men Qazaqstan - strategiialyq seriktester. Osyndai qiyn shaqtarda yntymaqtastyq pen niettestik eki eldiń arasyndaǵy dostyq bailanysty kúsheite túsedi», - dep jazdy Úndistannyń Premer-ministri Narendra Modi Twitter-degi paraqshasynda.
Eske sala ketsek, 18 sáýirde QR Prezidenti Qasym Jomart Toqaev pandemiiamen kúreske arnalǵan dári-dármek jibergeni úshin Úndistan úkimetine jáne Premer-ministrine alǵys bildirgen edi.
«Pandemiiamen kúreske arnalǵan dári-dármek jibergeni úshin Úndistan úkimetine jáne Premer-ministr @NarendraModi myrzaǵa shynaiy alǵysymdy bildiremin. Osy kómek Úndistan shetelge dári eksporttaýdy toqtatqan kezde jiberilip otyr. Bul naǵyz dostyq pen niettestiktiń belgisi dep sanaimyn», - dep atap ótken QR Prezidenti.
