Avstraliia úkimeti 3 mamyrdan bastap, sońǵy eki apta ishinde Úndistanǵa baryp-kelgen azamattarǵa elge kirýge ýaqytsha tyiym salady, dep habarlaidy BBC.
Aýstraliianyń Densaýlyq saqtaý ministri Greg Hant málimdemegendei, bul sheshim Úndistandaǵy Covid-19 jaǵdaiynyń nasharlaýyna bailanysty Úkimet jinalysynan keiin qabyldandy.
Tyiym barlyq azamattarǵa, sonyń ishinde aýstraliialyqtarǵa da qatysty. Muny buzǵan azamattar 33-ten 66 myń aýstraliialyq dollarǵa deiin (25,5-ten 51 myń dollarǵa deiin) aiyppul tóleýi nemese bes jylǵa deiin bas bostandyǵynan airylýy múmkin, dedi ministr.
Úkimet 15 mamyrda Úndistandaǵy epidemiologiialyq jaǵdaiǵa bailanysty onyń sheshimin qaita qaraýǵa nietti.
Djons Hopkins ýniversitetiniń málimetteri boiynsha, búgingi tańda Aýstraliiada koronavirýs juqtyrǵandardyń jalpy sany 29,8 myń adamdy quraidy.
Osyǵan deiin Aýstraliia premer-ministri Skott Morrison Úndistanmen áýe qatynasyn toqtata turý kerektigin aitqan edi. Kóptegen elderdiń biligi de osyndai sharalar qabyldaýǵa májbúr. Atap aitqanda, Ulybritaniia Úndistandy eń qaýipti elderdiń qataryna qosty, áýe qatynasyn shektedi jáne barlyq kelýshilerge mindetti karantin engizdi.
Eske salsaq, Úndistan koronavirýs juqtyrǵandar sany boiynsha álemdik rekord ornatyp, eldegi jaǵdai qiyndady. Birqatar el Úndistanmen áýe qatynasyn toqtatty.
