Úndistan vaktsinalaýdyń jańa kampaniiasyn bastady, baǵdarlamanyń birinshi kúni 8,4 million adam ekpe aldy, dep habarlaidy "Ult aqparat" Tribune India gazetine silteme jasap.
Úndistan – álemdegi eń iri vaktsina óndirýshilerdiń biri. Alaida onyń óziniń vaktsinalaý boiynsha kampaniiasy baiaý qarqynmen júrdi. Sondyqtan el biligi halyqtyń eresek bóliginiń barlyǵyna koronavirýsqa qarsy tegin vaktsina salýdy kózdeitin jańa saiasat endirýge sheshim qabyldady. Oǵan sai, federaldy úkimet elde óndiriletin vaktsinalardyń 75 paiyzyn satyp alyp, Úndistan shtattary arasynda bóletin bolady.
Densaýlyq saqtaý ministrliginiń derekteri boiynsha, vaktsinalaý boiynsha jańa strategiianyń iske asyrylýynyń birinshi kúni Úndistanda vaktsina alǵan azamattardyń rekordtyq sany tirkeldi – 8,4 million. Bul, sonymen qatar, eldegi vaktsinalaý kompaniiasy bastalǵannan beri bir kún ishinde salynǵan maksimaldy doza bolyp otyr.
«Búgingi vaktsinalaýdyń rekordtyq sany qýantyp otyr. Vaktsina – bizdiń COVID-19-ben kúrestegi eń myqty qarýymyz. Ekpe aldyrǵan azamattardyń barlyǵyn quttyqtaimyz, sonymen qatar azamattardy vaktsinamen qamtamasyz etý maqsatynda aianbai eńbek etip júrgen maidangerlerge alǵysymyzdy aitamyz», - dep jazdy Úndistannyń premer-ministri Narendra Modi Twitter-de.
Sonyń ózinde qazirgi kezde Úndistan halqynyń 5-ten shamaly ǵana joǵary paiyzy vaktsina alǵan, kóptegen shtattarda vaktsina tapshylyǵy saqtalýda. Sarapshylardyń aitýynsha, jeltoqsanda 950 million adamǵa ekpe salyp úlgerý úshin kúnine 10 million adam vaktsina alyp otyrýy kerek.
