ٷندٸستان ۆاكتسينالاۋدىڭ جاڭا كامپانيياسىن باستادى, باعدارلامانىڭ بٸرٸنشٸ كٷنٸ 8,4 ميلليون ادام ەكپە الدى, دەپ حابارلايدى "ۇلت اقپارات" Tribune India گازەتٸنە سٸلتەمە جاساپ.
ٷندٸستان – ەلەمدەگٸ ەڭ ٸرٸ ۆاكتسينا ٶندٸرۋشٸلەردٸڭ بٸرٸ. الايدا ونىڭ ٶزٸنٸڭ ۆاكتسينالاۋ بويىنشا كامپانيياسى باياۋ قارقىنمەن جٷردٸ. سوندىقتان ەل بيلٸگٸ حالىقتىڭ ەرەسەك بٶلٸگٸنٸڭ بارلىعىنا كوروناۆيرۋسقا قارسى تەگٸن ۆاكتسينا سالۋدى كٶزدەيتٸن جاڭا ساياسات ەندٸرۋگە شەشٸم قابىلدادى. وعان ساي, فەدەرالدى ٷكٸمەت ەلدە ٶندٸرٸلەتٸن ۆاكتسينالاردىڭ 75 پايىزىن ساتىپ الىپ, ٷندٸستان شتاتتارى اراسىندا بٶلەتٸن بولادى.
دەنساۋلىق ساقتاۋ مينيسترلٸگٸنٸڭ دەرەكتەرٸ بويىنشا, ۆاكتسينالاۋ بويىنشا جاڭا ستراتەگييانىڭ ٸسكە اسىرىلۋىنىڭ بٸرٸنشٸ كٷنٸ ٷندٸستاندا ۆاكتسينا العان ازاماتتاردىڭ رەكوردتىق سانى تٸركەلدٸ – 8,4 ميلليون. بۇل, سونىمەن قاتار, ەلدەگٸ ۆاكتسينالاۋ كومپانيياسى باستالعاننان بەرٸ بٸر كٷن ٸشٸندە سالىنعان ماكسيمالدى دوزا بولىپ وتىر.
«بٷگٸنگٸ ۆاكتسينالاۋدىڭ رەكوردتىق سانى قۋانتىپ وتىر. ۆاكتسينا – بٸزدٸڭ COVID-19-بەن كٷرەستەگٸ ەڭ مىقتى قارۋىمىز. ەكپە الدىرعان ازاماتتاردىڭ بارلىعىن قۇتتىقتايمىز, سونىمەن قاتار ازاماتتاردى ۆاكتسينامەن قامتاماسىز ەتۋ ماقساتىندا ايانباي ەڭبەك ەتٸپ جٷرگەن مايدانگەرلەرگە العىسىمىزدى ايتامىز», - دەپ جازدى ٷندٸستاننىڭ پرەمەر-مينيسترٸ نارەندرا مودي Twitter-دە.
سونىڭ ٶزٸندە قازٸرگٸ كەزدە ٷندٸستان حالقىنىڭ 5-تەن شامالى عانا جوعارى پايىزى ۆاكتسينا العان, كٶپتەگەن شتاتتاردا ۆاكتسينا تاپشىلىعى ساقتالۋدا. ساراپشىلاردىڭ ايتۋىنشا, جەلتوقساندا 950 ميلليون ادامعا ەكپە سالىپ ٷلگەرۋ ٷشٸن كٷنٸنە 10 ميلليون ادام ۆاكتسينا الىپ وتىرۋى كەرەك.
