Úndistannyń batysyndaǵy Gýdjarat shtatynda kópir opyrylyp, 160-tan asa adam qaza tapty. Politsiia kúdikti retinde bilet satýshylar men merdigerlerdi qosqanda toǵyz adamdy qamaýǵa aldy, - dep habarlaidy Massaget.kz portaly Gazeta.ru saityna silteme jasap.
Basylym málimetinshe, tártip saqshylary beinebaqylaý kameralaryn qaraý barysynda kópirdi eki jaqqa shaiqaǵan bir top jasty baiqaǵan.
Zardap shekkenderdiń biri Eshvin Mehra da adamdar kópirdi shaiqamaq bolǵanyn aitqan.
"Kópirdi shaiqaǵan 20-25 jas aralyǵyndaǵy 15-20-ǵa jýyq jigit júrdi. Biz kópirdiń shaiqalǵany týraly dybystar estidik, keiin kópirdiń symy úzildi", - dedi ol.
Politsiianyń joǵary laýazymdy sheneýnigi toǵyz adam, onyń ishinde basshylyq qyzmetkerleri, kassirler jáne úsh kúzetshi kópirdegi adamdardy baqylai almaǵany úshin qamaýǵa alynǵanyn aitty. Ustalǵandar arasynda nysandy jóndeýge kelisim-shart alǵan eki adam da bar. Ol qamalatyn adamdar taǵy da bolýy múmkin ekenin aitty.
Jergilikti sheneýnikter kópirge jaýapty kompaniianyń bilikke onyń jóndeýden keiin qaita ashylatyny týraly habarlamaǵanyn, qoǵamdyq paidalanýǵa jaramdylyq sertifikaty berilmegenin aitty.
