Úndistandaǵy koronavirýspen bailanysty jaǵdai kúrdeli, el biliginiń naýryzǵa deiin vaktsinaǵa mán bermegeni anyqtalyp otyr. Bul týraly BBC habarlady.
Djons Hopkins Ýniversitetiniń dereginshe, álem boiynsha pandemiia bastalǵan kezden beri koronavirýs juqtyrǵandar sany 153 mln-ǵa jetken, qaitys bolǵandar sany – 3,2 mln. Koronavirýs juqtyrǵandardyń táýliktik kórsetkishi bir aptadan asa rekordtyq deńgeige jetip otyr. Iaǵni táýligine 800 myńnan asa oqiǵa.
Munyń jartysy Úndistanǵa tiesili. Ótken senbide sońǵy derekter boiynsha 402 myńǵa jýyq adam koronavirýs juqtyrǵan. Elde barlyǵy osy ýaqytqa deiin 20 mln adam koronavirýs juqtyryp, 219 myń adam qaitys bolaǵan. Alaida sarapshylar bul statistikanyń shyndyqqa janaspaitynyna senimdi. Sebebi esep tek dárigerlerdiń qaraýynda bolǵan naýqastar arasynda júrdi. Myńdaǵan úndistandyq alǵashqy meditsinalyq kómek almai qaitys bolǵan.
Osy oraida premer-ministr Narendra Modidiń partiiasy sheshýshi shtat Batys Bengaliiadaǵy sailaýda jeńilis tapty.
Álemdegi iri vaktsina óndirýshi Serum úndi institýtynyń basshysy Adar Pýnavala Narendra Modidiń úkimetin óz halqyn vaktsinamen qamtamasyz ete almady dep aiyptady.
Britandyq Financial Times-ke bergen suhbatynda Pýnavala institýtqa naýryzdyń ortasyna deiin el biliginen iri vaktsina partiiasyna eshqandai tapsyrys túspegenin aitty.
Onyń sózinshe, ol ýaqytqa deiin tek 21 mln doza vaktsinaǵa ǵana tapsyrys berilgen. Halyqtyń sanymen salystyrǵanda, bul – óte az. Vaktsina tapshylyǵy maýsymnyń ortasyna deiin jalǵasady, deidi sarapshy. Sol ýaqytqa óndiris kólemin aiyna 100 mln dozaǵa deiin ulǵaitý josparlanǵan. Sonymen qatar AstraZeneca preparatynyń negizgi kólemin óndiretin Serum institýty basqa elderge eksportty arttyrýǵa nietti.
