Úndistannyń túrli óńirlerinde tolassyz jaýǵan mýsson jańbyrynan týyndaǵan sý tasqyny bes kúnde 174 adamnyń ómirin qidy, dep habarlaidy The Times of India basylymy.
Gazettiń jazýynsha, keshegi jeksenbiniń ózinde 33 adam ajal qushqan.
Tasqyn eldiń ońtústik-batysyndaǵy Kerala, batysyndaǵy Gújarat shtattaryna kóp zalal keltirip jatyr. Sońǵy kúnderi Keralada 15, Gújaratta 11 adam qaza tapqan.
Sońǵy kezderi Úndistannyń ońtústigi men batys jaǵalaýlarynda mýsson jańbyry quiyp tur. Al shilde aiynda mýsson jańbyry eldiń shyǵysyna alapat shyǵyn ákelip, júzdegen adamnyń ómirin qiǵan edi, budan tys 10 millionnan astam adam zardap shekken.
Eske sala keteiik, maýsymnyń sońynda Ońtústik Aziiaǵa sońǵy on jyldaǵy eń kúshti mýsson kelgen bolatyn. Tolassyz jaýǵan jańbyrdan kólik qozǵalysy qiyndap, ǵimarattar qirady jáne qaiǵyly oqiǵalar kóp boldy.
