ٷندٸستاننىڭ تٷرلٸ ٶڭٸرلەرٸندە تولاسسىز جاۋعان مۋسسون جاڭبىرىنان تۋىنداعان سۋ تاسقىنى بەس كٷندە 174 ادامنىڭ ٶمٸرٸن قيدى, دەپ حابارلايدى The Times of India باسىلىمى.
گازەتتٸڭ جازۋىنشا, كەشەگٸ جەكسەنبٸنٸڭ ٶزٸندە 33 ادام اجال قۇشقان.
تاسقىن ەلدٸڭ وڭتٷستٸك-باتىسىنداعى كەرالا, باتىسىنداعى گٷجارات شتاتتارىنا كٶپ زالال كەلتٸرٸپ جاتىر. سوڭعى كٷندەرٸ كەرالادا 15, گٷجاراتتا 11 ادام قازا تاپقان.
سوڭعى كەزدەرٸ ٷندٸستاننىڭ وڭتٷستٸگٸ مەن باتىس جاعالاۋلارىندا مۋسسون جاڭبىرى قۇيىپ تۇر. ال شٸلدە ايىندا مۋسسون جاڭبىرى ەلدٸڭ شىعىسىنا الاپات شىعىن ەكەلٸپ, جٷزدەگەن ادامنىڭ ٶمٸرٸن قيعان ەدٸ, بۇدان تىس 10 ميلليوننان استام ادام زارداپ شەككەن.
ەسكە سالا كەتەيٸك, ماۋسىمنىڭ سوڭىندا وڭتٷستٸك ازيياعا سوڭعى ون جىلداعى ەڭ كٷشتٸ مۋسسون كەلگەن بولاتىن. تولاسسىز جاۋعان جاڭبىردان كٶلٸك قوزعالىسى قيىنداپ, عيماراتتار قيرادى جەنە قايعىلى وقيعالار كٶپ بولدى.
