Jeksenbi kúngi málimetter boiynsha, Úndistanda koronavirýs infektsiiasyn juqtyrǵandar sany 3 million adamnan asyp, sońǵy 24 saǵatta aýrý juqtyrýdyń 69 239 jańa oqiǵasy tirkeldi.
Nebári 16 kún buryn elde koronavirýs juqtyrý oqiǵalarynyń sany 20 million adamǵa deiin ósti. Bul týraly India Today agenttigi habarlady.
Jańartylǵan málimetter boiynsha, jeksenbi kúni elde aýrý juqtyrýdyń 69 239 jańa oqiǵasy tirkelgen, aýyr dertten saýyǵyp shyqqandar sany 2 million adamnan asty.
Sońǵy táýlikte Úndistanda virýstan 912 adam qaitys bolyp, elde jalpy qaitys bolǵandar sany 56 706 adamǵa jetti.
Senbi kúni Úndistanda 801 147 adamnan synama alyndy. Sonyń ishinde 69 239 adamnan alynǵan test oń bolyp shyqqan. Qazirgi kezde elde 3 529 222 synama júrgizilgen.
Juma kúni Úndistanda 1 millionnan astam synama alynyp, testilendi.
Úndistan AQSh pen Braziliiadan keiin koronavirýstan eń kóp zardap shekken elderdiń qatarynda.
Eldiń densaýlyq saqtaý ministrligi aýyr dertten qaitys bolýdyń 70-ten astam paiyzy ilespe aýrýlardan bolǵanyn atap ótti.
