Koronavirýstyń taralý qaýpinen engizilgen karantin rejiminde turatyn adamdar qoldan kelgenshe úirenip jatsa, sheteldik alty týrist indetten Úndistandaǵy úńgirde jasyrynǵan.
Politsiia qyzmetkeriniń aitýynsha, bir top týrist Úndistannyń soltústiginde ornalasqan Ýttarakhand shtatyndaǵy Rishikesh qalasy mańyndaǵy úńgirde bir aiǵa jýyq ýaqyt turǵan. Politsiia týristerdi jeksenbi kúni anyqtaǵan. Olardyń arasynda Frantsiia, Túrkiia, Ýkraina, AQSh jáne Nepaldan jinalǵan tórt er adam men eki áiel bar. Eldegi erejeler boiynsha, olardyń barlyǵy karantinge jatqyzyldy, dep habarlaidy CNN.
«Aqshasy bitken týrister qonaqúiden ketip, úńgirden pana tapqan», - dedi Ýttarakhand politsiiasynyń ókili Mýkesh Chand.
Olar úńgirde 24 naýryzdan beri turyp jatqan.
Úndistan premer-ministri Narendra Modi 25 naýryzdan bastap 14 sáýirge deiin elde qatań oqshaýlaý rejimin engizdi. Keiin el biligi karantindi keminde 3 mamyrǵa deiin uzartqan. 20 naýryzdan bastap týristerge Ýttarakhand shtatyna kirýge tyiym salynǵan.
El biligi karantin sebebimen elde qalyp qoiǵan sheteldik azamattarǵa kómektesý úshin «Úndistanda qalyp qoiǵan» veb-saityn ashty.
Djon Hopkins ýniversitetiniń málimetinshe, Úndistanda koronavirýs juqtyrýdyń 17 615 oqiǵasy tirkelgen, 559 adam qaitys boldy.
Rishikesh – ioganyń álemdik astanasy retinde tanymal qala.
