Úndistannyń Densaýlyq saqtaý jáne otbasylyq ál-aýqat ministrligi ótken táýlikte koronavirýs infektsiiasyn juqtyrýdyń 267 334 jaǵdaiyn anyqtady, elde epidemiia bastalǵaly beri aýrýǵa shaldyqqandardyń jalpy sany 25 496 330-ǵa jetti, dep habarlaidy "Ult aqparat".
Vedomstvonyń resmi saityndaǵy málimet boiynsha, ótken táýlikte 4 529 ólim jaǵdaiy tirkelgen. Elde koronavirýstan kóz jumǵandardyń jalpy sany – 283 248 adam.
Ólim jaǵdailarynyń tirkelgen táýliktik ósimi boiynsha Úndistan qatarynan ekinshi ret antirekord kórsetti. Bir kún buryn infektsiianyń asqynýynan 4 329 ólim jaǵdaiy anyqtalǵan. 24 saǵat ishinde qaitys bolǵandardyń sany osy aida toǵyzynshy ret 4 myń adamnan asty.
Degenmen sońǵy ýaqytta aýrý juqtyrǵandardyń táýliktik sany birshama tómendegeni baiqalady: 17 mamyrda Úndistan koronavirýs juqtyrýdyń 281 386 jańa jaǵdaiyn tirkedi.
Aita keteiik kúnine 300 myńnan az kórsetkish 21 sáýirden bastap (sol kúni 295 041 adam aýrýǵa shaldyqqan) alǵash ret baiqaldy, al 18 mamyrda 263 533 adamnyń koronavirýs juqtyrǵany tirkeldi.
