ٷندٸستاننىڭ دەنساۋلىق ساقتاۋ جەنە وتباسىلىق ەل-اۋقات مينيسترلٸگٸ ٶتكەن تەۋلٸكتە كوروناۆيرۋس ينفەكتسيياسىن جۇقتىرۋدىڭ 267 334 جاعدايىن انىقتادى, ەلدە ەپيدەمييا باستالعالى بەرٸ اۋرۋعا شالدىققانداردىڭ جالپى سانى 25 496 330-عا جەتتٸ, دەپ حابارلايدى "ۇلت اقپارات".
ۆەدومستۆونىڭ رەسمي سايتىنداعى مەلٸمەت بويىنشا, ٶتكەن تەۋلٸكتە 4 529 ٶلٸم جاعدايى تٸركەلگەن. ەلدە كوروناۆيرۋستان كٶز جۇمعانداردىڭ جالپى سانى – 283 248 ادام.
ٶلٸم جاعدايلارىنىڭ تٸركەلگەن تەۋلٸكتٸك ٶسٸمٸ بويىنشا ٷندٸستان قاتارىنان ەكٸنشٸ رەت انتيرەكورد كٶرسەتتٸ. بٸر كٷن بۇرىن ينفەكتسييانىڭ اسقىنۋىنان 4 329 ٶلٸم جاعدايى انىقتالعان. 24 ساعات ٸشٸندە قايتىس بولعانداردىڭ سانى وسى ايدا توعىزىنشى رەت 4 مىڭ ادامنان استى.
دەگەنمەن سوڭعى ۋاقىتتا اۋرۋ جۇقتىرعانداردىڭ تەۋلٸكتٸك سانى بٸرشاما تٶمەندەگەنٸ بايقالادى: 17 مامىردا ٷندٸستان كوروناۆيرۋس جۇقتىرۋدىڭ 281 386 جاڭا جاعدايىن تٸركەدٸ.
ايتا كەتەيٸك كٷنٸنە 300 مىڭنان از كٶرسەتكٸش 21 سەۋٸردەن باستاپ (سول كٷنٸ 295 041 ادام اۋرۋعا شالدىققان) العاش رەت بايقالدى, ال 18 مامىردا 263 533 ادامنىڭ كوروناۆيرۋس جۇقتىرعانى تٸركەلدٸ.
