Úndistannyń Gýdjarat shtatynda aspaly kópirdiń qiraýy saldarynan qaza tapqandar sany 141 adamǵa jetti, - dep habarlaidy Massaget.kz portaly Business Insider basylymyna silteme jasap.
Bul aqparatty Radjkot okrýgi politsiiasynyń bas inspektory Ashok Iadav rastaǵan. Degenmen memlekettik ishki ister ministri Harsh Sangavidiń aitýynsha, qaza tapqandar sany 132-ge jetip, eki adam iz-túzsiz joǵalyp ketken.
Sondai-aq, ol joǵalǵan eki adam tabylǵan kezde izdeý-qutqarý jumystary aiaqtalatynyn aitty. 31 qazanda tańerteń Morbi memlekettik aýrýhanasy qaitys bolǵan 99 adamnyń tizimin jariialady, biraq zardap shekkenderdiń jasyn kórsetpedi.
Merdiger men arqandy kópirdiń basqarýshysyna qatysty qylmystyq is qozǵalyp, politsiia oqiǵaǵa qatysty tergeýdi bastaǵany atap ótildi.
