Úndistannyń batysyndaǵy Morvi qalasynda jaiaýlar kópiri qulap, 132-ge jýyq adam ólgen. 19 ǵasyrdyń sońynda Mahchý ózeniniń ústine salynǵan aspaly kópir qaita jóndelip, ótken aptada ashylǵan. Apat kezinde kópir ústinde 150-den 400-ge deiin adam júrgen.
Tanymal týristik orynǵa ainalǵan kópir 30 qazan kúni keshke qulaǵan.
Ázirgi málimetterge qaraǵanda, kópir adamdardyń salmaǵyn kótere almaǵan. ANI aqparat agenttiginiń habarlaýynsha, ólgenderdiń kóbi - balalar, áielder men qart adamdar. Qutqarýshylar ólgender munan da kóp bolýy múmkin dep esepteidi.
