Niý-Delidegi (Úndistan) San Martin skverinde Abai Qunanbaiuly biýstiniń saltanatty ashylý rásimi ótti, - dep habarlaidy "Ult aqparat" Saýda jáne integratsiia ministrligi baspasóz qyzmetine silteme jasap.
Is-sharaǵa Qazaqstan premer-ministriniń orynbasary - saýda jáne integratsiia ministri Baqyt Sultanov, Úndistannyń syrtqy ister jáne mádeniet memlekettik ministri Minakshi Lekhi, sondai-aq diplomatiialyq korpýs ókilderi qatysqan.
"Abai - uly aqyn ǵana emes, kemeńger oishyl, áigili aǵartýshy. Ol jurtty ǵylym igerýge, bilimdar bolýǵa úndedi. Jańashyldyq pen jasampazdyqty dáriptedi. Abai murasy - bizdiń elimizge ǵana emes, barsha adamzatqa ortaq qundylyq", - dedi Sultanov.
Ol Mahatma Gandidiń týǵan jerine qazaq aǵartýshysynyń biýstin ornatý tereń simvoldyq mánge ie ekenin atap ótti. Abai men Gandi ideialary bir-birimen tyǵyz bailanysty.
Baqyt Sultanov Abai biýstiniń ornatylýy eki el arasyndaǵy rýhani yntymaqtastyqty odan ári nyǵaita túsetinin de aitty. Sondai-aq, taraptar bilim, ǵylym jáne mádeniet salasyndaǵy yntymaqtastyqty damytýdy jalǵastyrady.
Aita keteiik, Niý-Deli qalasynda Abai biýstiniń ashylýyna arnalǵan saltanatty is-shara Qazaqstan Respýblikasy men Úndistan Respýblikasy arasyndaǵy saýda-ekonomikalyq, ǵylymi-tehnikalyq, ónerkásiptik jáne mádeni yntymaqtastyq jónindegi Úkimetaralyq komissiianyń 14-otyrysyna qatysý úshin Qazaqstan Respýblikasy delegatsiiasynyń Úndistanǵa sapary sheńberinde ótti.
