Úndistannyń ońtústik-shyǵysynda ornalasqan himiia zaýytynan shyqqan ýly gazdan 8 adam kóz jumyp, júzdegen adam zardap shekti. Bul týraly BBC agenttigi habarlady.
Apat Vishakhapatnam qalasyndaǵy polimerler óndiretin zaýytta boldy.
Naqtyraq, oqiǵa jergilikti ýaqyt boiynsha saǵat 03:00 shamasynda, LG Polymers Ltd kompaniiasynyń zaýytynda oryn alǵan.
Jergilikti dárigerlerdiń aitýynsha, aýrýhanaǵa kózderi ashyp, tynys alýy nasharlaǵan júzdegen adam jetkizilgen. Hindustan Times gazeti resmi saitynda qaza bolǵandar arasynda eki áiel men bir bala bar ekenin habarlady. Basylym sondai-aq, ýly gazdyń shyǵýy saldarynan júzdegen emes, myńdaǵan adam zardap shekkenin jazdy.
Hindustan Times gazetiniń habarlaýynsha, gaz jaqyn aýmaqtaǵy 20 kentke tarap, ondaǵy turǵyndardyń ózderin nashar sezinýine sebep bolǵanyn atap ótýde.
BBC málimetinshe, ýly gaz shyqqan zaýyt Úndistannyń koronavirýs pandemiiasyna bailanysty karantin rejimin engizgen 24 naýryzdan beri búgin ǵana qaita ashylǵan.
