ٷندٸستاننىڭ وڭتٷستٸك-شىعىسىندا ورنالاسقان حيمييا زاۋىتىنان شىققان ۋلى گازدان 8 ادام كٶز جۇمىپ, جٷزدەگەن ادام زارداپ شەكتٸ. بۇل تۋرالى BBC اگەنتتٸگٸ حابارلادى.
اپات ۆيشاكحاپاتنام قالاسىنداعى پوليمەرلەر ٶندٸرەتٸن زاۋىتتا بولدى.
ناقتىراق, وقيعا جەرگٸلٸكتٸ ۋاقىت بويىنشا ساعات 03:00 شاماسىندا, LG Polymers Ltd كومپانيياسىنىڭ زاۋىتىندا ورىن العان.
جەرگٸلٸكتٸ دەرٸگەرلەردٸڭ ايتۋىنشا, اۋرۋحاناعا كٶزدەرٸ اشىپ, تىنىس الۋى ناشارلاعان جٷزدەگەن ادام جەتكٸزٸلگەن. Hindustan Times گازەتٸ رەسمي سايتىندا قازا بولعاندار اراسىندا ەكٸ ەيەل مەن بٸر بالا بار ەكەنٸن حابارلادى. باسىلىم سونداي-اق, ۋلى گازدىڭ شىعۋى سالدارىنان جٷزدەگەن ەمەس, مىڭداعان ادام زارداپ شەككەنٸن جازدى.
Hindustan Times گازەتٸنٸڭ حابارلاۋىنشا, گاز جاقىن اۋماقتاعى 20 كەنتكە تاراپ, ونداعى تۇرعىنداردىڭ ٶزدەرٸن ناشار سەزٸنۋٸنە سەبەپ بولعانىن اتاپ ٶتۋدە.
BBC مەلٸمەتٸنشە, ۋلى گاز شىققان زاۋىت ٷندٸستاننىڭ كوروناۆيرۋس پاندەميياسىنا بايلانىستى كارانتين رەجيمٸن ەنگٸزگەن 24 ناۋرىزدان بەرٸ بٷگٸن عانا قايتا اشىلعان.
