.jpeg)
«AMANAT» partiiasynan Qyzylorda oblystyq máslihat depýtattyǵyna kandidattar «Alataý» saýda úiinde ekspromt-kezdesý ótkizdi. Onda sailaýshylarǵa partiianyń sailaýaldy baǵdarlamasyndaǵy keshendi jobalardy tanystyryp, partiianyń kópshilikti tolǵandyrǵan ózekti máselelerdi qalai sheshýdi kózdep otyrǵanyn keńinen túsindirdi.
Ekspromt-kezdesýde kandidat Nájmadin Shamuratov: «AMANAT» partiiasynan úmitkerlerdiń tizimi 75%-ǵa jańardy. Bizdiń qatarymyzda naqty bir aimaqtyń ereksheligin jaqsy biletin jáne túrli salada qyzmet etip júrgen bedeldi azamattar bar. Partiianyń «Halyqpen birge!» sailaýaldy baǵdarlamasy – búge-shúgesine deiin eseptelgen jáne júzege asatyn qujat. Iaǵni, biz tyńǵylyqty daiyndaldyq jáne halyqpen birge alǵa qoiǵan maqsattarǵa qol jetkizetinimizge senimdimiz», - dedi.
Sonymen qatar, oblystyq máslihat depýtattyǵyna úmitker Rashid Ibraev partiianyń sailaýaldy baǵdarlamasynda shalǵaidaǵy jáne qalaǵa jaqyn ornalasqan eldi-mekenderdi damytýǵa erekshe nazar aýdarylyp otqandyǵyn aityp ótti. Onyń ishinde kógildir otyn men aýyz sýmen qamtamasyz etý máseleleri qamtylǵan.
Jiynda sóz alǵan úmitker Erjan Eskendir partiia músheleriniń basty mindeti – óńirimizdegi turǵyndardyń kókeikesti máselelerin talqylap qana qoimai, olardyń ómir súrý sapasyn jaqsartý úshin olardy sheshý joldaryn izdestirý ekendigin jetkizdi.
«AMANAT» partiiasy aimaqtyń qoǵamdyq-saiasi ahýalynyń turaqtylyǵyn qamtamasyz ete otyryp, 2027 jylǵa qarai Qyzylorda oblysyn ártaraptandyrylǵan, básekege qabiletti, ekonomikasy qarqyndy damyǵan, turǵynǵa jaily aimaq retinde damytýdy aldyna maqsat etip qoidy. Atalǵan maqsattarǵa jáne tiimdi nátijege qol jetkizý úshin partiianyń Ortalyq deńgeiden bastap, óńirlerdegi barlyq saiasi áleýeti jumyldyrylatyn bolady. Sizderdiń qatysýlaryńyzben biz josparlarymyzdy iske asyryp, oblys turǵyndarynyń ómir súrý sapasyn jaqsartatynymyzǵa senimdimiz», - dedi Erjan Eskendir.
Úgit-nasihat sońynda qala turǵyndary turǵyn úi, áleýmettik kómek jáne taǵy da basqa taqyryptar boiynsha suraqtaryn qoiyp, jaýaptaryn aldy.
Qyzylorda oblystyq máslihaty depýtattarynyń sailaýynda partiialyq tizimdi usynǵan «AMANAT» partiiasy sailaý qorynyń qarajatynan tólendi
