Búgin Merki aýdanyna jumys saparymen oblystyq máslihat depýtattyǵyna kandidat D.Ermekov kelip, «Esikten esikke» aktsiiasy aiasynda Jambyl aýyldyq okrýgi men Andas batyr aýyldyq okrýgteri turǵyndarymen kezdesti.
Kezdesýge Merki aýdanynan «Nur Otan» partiiasy atynan oblystyq máslihat depýtatyǵyna kandidattar E.Dúisenqul, R.Rakaeva jáne B.Hasanbaevtar da qatysty.
Alǵashqy kezdesý Jambyl aýyldyq okrýginiń Jemis-jidek aýylynyń turǵyny, zeinetker Ońǵarbaev Qarashái atanyń úiinde ótti. Kandidattar partiianyń sońǵy jyldary halyq úshin jasaǵan jaqsylyqtaryn aita kele, onyń aldaǵy baǵyttaryna toqtaldy. «Biz birgemiz» uranymen partiiaǵa daýys berýge shaqyrdy.
Budan soń osy aýyldyń turǵyny Qadyrqulov Áshimbek atanyń úiinde bolyp, kandidattar ózderin tanystyryp, aýdan aýmaǵynda atqarylǵan jumystar týraly keńinen baiandady.
Máselen, E.Dúisenqul biylǵy jyly jastarǵa jasalǵan memlekettik qoldaýlarǵa toqtaldy. Aýdanda byltyr 510 azamat qaitarymsyz grant alyp, óz kásibin ashsa, biyl 895 azamatqa 550 myń teńge qaitarymsyz grant berildi. Sonymen qatar, jeńildetilgen paiyzben beriletin nesie, bes millionǵa deiin qaitarymsyz kásip ashyp, sharýasyn bastaýǵa beriletin granttar týraly tolyǵymen túsindirip ótti.
«Esikten esikke» aktsiiasy aiasynda Jambyl aýyldyq okrýginiń turǵyny zeinetker, aýdanǵa eńbegi sińgen qurmetti azamat Sýleimanov Shamshýdin atanyń úiine baryp, áńgime dúken qurdy. Ol óziniń otbasymen Qaaqstanǵa 29 jyl buryn kóship kelip, sol kezde onyń týystary Merkide ornalasyp, 14 otbasy bolyp kelgen bolsa, búgingi tańda ósip, ónip 169 otbasydan asqanyn tilge tiek etti. Bul joly B.Hasanbaev aýdandaǵy etno-mádeni ortalyqtarynyń jumysy, jalpy olarǵa jasalyp jatqan jaǵdailar týraly baiandady. Kelesi jyly etno mádeni ortalyqtaryna arnaiy ǵimarat berilip, «Dostyq» úii boi túzeitini týraly sóz qozǵady.
Jumysshy top Jambyl aýyldyq okrýgi turǵyndarymen kezdesýden soń, Andas batyr aýyldyq okrýginiń Granitogor aýyly turǵyndarymen kezdesti. Munda da partiianyń alǵa qoiǵan maqsaty Halyqtyń áleýmettik jaǵdaiyn túzeý, ol úshin kóptegen qarjy bólingeni týraly aitylyp, turǵyndar tarapynan qoldaýǵa ie boldy. Sóz retinde aitqan ýádelerin oryndap, qańtar aiynda bolatyn sailaýǵa qatysýǵa shaqyrdy.
«Nur Otan» partiiasy Jambyl oblysy, Merki aýdandyq Sailaý qorynyń qarajatynan tólendi.
