Sýret: Ulytaý oblysy ákimdiginiń resmi saity
Konkýrs nátijesi boiynsha keshe ǵana bekitilgen Ulytaý oblysynyń tóltańbasy turǵyndardyń qyzý pikirtalasynan keiin qaita tańdalatyn boldy, dep habarlaidy "Ult aqparat" óńir ákimdigine silteme jasap.
"Oblys Tóltańbasy máselesi áleýmettik jelilerde qyzý pikirtalas týdyrdy.
Osyǵan bailanysty konkýrs qorytyndylaryn jáne sáikesinshe konkýrstyq komissiianyń nátijelerin joiý týraly sheshim qabyldandy" - delingen Ulytaý oblysynyń Instagram paraqshasynda.
Eske salaiyq, 18 qańtarda óńir ákimdigi tóltańbany tańdaý konkýrsynyń nátijesin jariialaǵan bolatyn.
"Birneshe ai boiy Ulytaý oblysy Eltańbasynyń úzdik eskizdik jobasyna baiqaý ótkeni belgili. Óńirdiń basty rámizine qatysty respýblikamyzdyń túpkir-túkpirinen 130-ǵa jýyq usynys tústi.
Barlyq eskiz 2022 jylǵy 12-18 jeltoqsan aralyǵynda arnaiy uiymdastyrylǵan kórme aiasynda Jezqazǵan turǵyndary men qonaqtarynyń nazaryna usynyldy. Nátijesinde komissiia músheleri jáne kórmege kelgen turǵyndar eń úzdik 18 eskizdi tańdady.
Ulytaý oblysynyń Eltańbasyn tańdaýǵa óńirdiń barlyq turǵyndary da Instagram paraqshasynda tanymal «Eto Jez» paraqshasynda daýys berý arqyly qatysýǵa múmkindik aldy. Onlain daýys berý nátijeleri boiynsha eń kóp daýys jinaǵan №15 nusqa bolyp aiqyndaldy.
Jeńimpaz atanǵan eskizdik joba - jerlesimiz, Eýraziialyq Dizainerler Odaǵynyń múshesi Shahibaden Seiitkenovtyń eńbeginiń nátijesi" - dep jazǵan oblys ákimdiginiń baspasóz qyzmeti.
