Foto: Qarmet
«Qarmet» AQ Ulytaý oblysy ákimdigimen jasalǵan yntymaqtastyq týraly kelisim aiasynda Qarajal qalasynda áleýmettik jobalardy qarjylandyrady.
Ulytaý oblysynyń ákimdigi men «Qarmet» kompaniiasy óńirdiń áleýmettik-ekonomikalyq damýy salasynda yntymaqtastyq jáne ózara árekettesý týraly memorandýmǵa qol qoidy. Bul qujat – halyqtyń ómir sapasyn arttyrý men óńirlerdiń áleýmettik infraqurylymyn nyǵaitýǵa baǵyttalǵan memleket pen biznestiń tiimdi seriktestiginiń aiqyn úlgisi.
Memorandým aiasynda «Qarmet» AQ Qarajal qalasynda 2026–2028 jyldary iske asyrylatyn birqatar áleýmettik jobalardy qarjylandyrady. Bul bastamalar densaýlyq saqtaý, bilim berý, sport jáne qalalyq infraqurylymdy damytý siiaqty negizgi baǵyttardy qamtidy.
Basym jobalardyń qatarynda – «Balbóbek» balabaqshasynyń ǵimaratyna kúrdeli jóndeý júrgizý, «Qalalyq kommýnaldyq sharýashylyq» úshin kommýnaldyq tehnika satyp alý, sondai-aq buqaralyq sport pen salaýatty ómir saltyn qoldaý baǵdarlamalary bar. Budan bólek, «Qarajal qalalyq aýrýhanasy» ShJQ KMK dárigerleri men mamandaryna ai saiynǵy eńbekaqy ústemaqysy qarastyrylǵan. Bul shara bilikti meditsinalyq kadrlardy tartýǵa jáne ustap qalýǵa múmkindik beredi.
Ulytaý oblysynyń ákimdigi dástúrli túrde biznes qaýymdastyqpen áriptestikti damytýǵa joǵary qyzyǵýshylyq tanytyp, óńir turǵyndarynyń ómir súrý jaǵdaiyn jaqsartýǵa baǵyttalǵan bastamalardy belsendi qoldaidy. Mundai syndarly ózara is-qimyl óńirlerdiń turaqty damýynyń naqty quralyna ainalyp otyr.
«Qarmet» AQ – bolat óndirýdiń tolyq tsikli bar, temir kenin óndirýden bastap daiyn prokat shyǵarý deiingi úderisterdi júzege asyratyn Qazaqstandaǵy eń iri taý-metallýrgiialyq kompaniia. Kompaniia ekologiialyq, áleýmettik jáne korporativtik jaýapkershiliktiń zamanaýi standarttaryn belsendi engizip, óńirlerdi damytý isinde memlekettiń senimdi seriktesi bolyp tabylady.
