Foto: Qaraǵandy oblysy ákimdiginiń baspasóz qyzmeti
Ulytaý oblysynda "Órken" JShS kenishinde jumys istegen kenshi qaza tapty, dep habarlaidy "Ult aqparat".
Qaiǵyly oqiǵa 6 qyrkúiekte bolǵan. Qazirgi kezde arnaiy komissiia kenshiniń qalai qaza tapqanyn anyqtaýǵa kiristi. Aldyn ala boljamǵa sáikes, 39 jastaǵy er adam taý jynystary úiindisiniń astynda qalyp qoiǵan.
Jumys berýshiniń aitýynsha, bul - jazataiym oqiǵa.
Kásiporyn basshylyǵy marqumnyń jaqyndaryna kóńil aitty. Qaza tapqan qyzmetkerdiń otbasyna barlyq qajetti qoldaý sharalary ujymdyq kelisimshartqa sáikes kórsetiledi.
Aita keteri, "Órken" JShS "ArselorMittal Temirtaýdyń" quramyna kiredi.
Eske salaiyq, biyl maýsymda Batys Qarajal shahtasynda taý-ken massasynyń opyrylýyynan jerasty mashinisi qaza tapqan. Marqum "Órken-Atasý" JShS "Órken" qyzmetkeri bolǵan. Ol túngi aýysymda seriktesimen birge ken betine kóterý mindetin atqarǵan.
