Ulytaý oblysy Ulytaý aýdanynda bir kún buryn joǵalyp ketken 60 jastaǵy er adam tabyldy, dep habarlaidy ult.kz.
Búgin kúndiz qutqarýshylarǵa Sheńber aýyldyq okrýginde 1966 jyly týǵan er adamnyń 12 qyrkúiek kúni keshke Dombyǵul qystaýyndaǵy úiinen shyǵyp, qaita oralmaǵany týraly habarlama túsken. Onyń janynda uialy telefony bolmaǵan.
Izdeý jumystaryna TJD qyzmetkerleri, politsiia, jergilikti atqarýshy organdardyń ókilderi, jergilikti turǵyndar, sondai-aq «Aýyl qutqarýshylary» eriktileri jumyldyryldy.
Aýmaqty barlaý barysynda qutqarýshylar ushqyshsyz ushý apparatyn jáne spýtniktik bailanysty paidalandy.
Izdeý jumystarynyń nátijesinde er adam Dombyǵul qystaýynan soltústikke qarai 8 shaqyrym jerden tabyldy.
