Foto: UQK
UQK Ulytaý oblysy boiynsha departamenti óńirge asa iri mólsherde esirtki jetkizý arnasynyń jolyn kesti, - dep habarlaidy «Ult aqparat» Tengrinews.kzke silteme jasap.
2024 jylǵy qańtarda UQKD jedel qyzmetkerleri esirtki quraldary men psihotroptyq zattardy ótkizdi degen kúdikpen Jezqazǵan jáne Sátpaev qalalarynyń 4 turǵynyn ustady.
Tintýler kezinde olardan 20 kg marihýana, 2 kg gashish, 250 gramm "alfa-PVP" psihotroptyq zaty jáne 30 "marka" dep atalatyn LSD esirtkisi alyndy.
Qylmystyq kodekstiń 297-baby 3-bóligi boiynsha sotqa deiingi tergep-tekserý júrgizilip jatyr. Sot sanktsiiasymen ustalǵan adamdarǵa qamaýda ustaý túrindegi bultartpaý sharasy tańdaldy.
QR Qylmystyq-protsestik kodeksiniń 201-baby 1-bóligine sáikes ózge aqparat jariia etýge jatpaidy.
