video kadry
Ulytaý oblysy Qarajal qalasynyń turǵyny qalyńdyǵyn óltirip, onyń týystaryn da óltirmek boldy degen kúdikke ilindi, - dep habarlaidy "Ult aqparat".
Er adam qyzǵa úilengisi kelgen, biraq olardyń arasynda kelispeýshilikter bolǵan. 5 tamyzda qyzdyń týystary ony Qarajaldan alyp ketýdi sheshken. Qyzdy alyp ketkennen keiin, kúieý jigit arttarynan qýyp, ádeii jol apatyn uiymdastyrǵan. Boljam boiynsha, jigit qalyńdyǵy otyrǵan kólikti birneshe ret soǵyp, jol jiegine shyǵaryp jibergen.
"5 tamyzda bes jolaýshysy bar kólik jol apatyna túsip, atalǵan derek Qarajal qalasynyń politsiia bóliminde 345-bap 2-bóligi ("Abaisyzda adam densaýlyǵyna aýyr ziian keltirýge ákep soqqan Jol qozǵalysy erejelerin buzý") boiynsha tirkeldi. 18 tamyzda 28 jastaǵy jábirlenýshiniń qaza bolýyna bailanysty is 345-bap 3-bóligi ("Abaisyzda adam ólimine ákep soqtyrǵan jol erejesin buzý") boiynsha qaita qaralǵan", - dedi Ulytaý oblysy PD baspasóz qyzmeti.
Vedomstvo málimetinshe, sotaldy tergep-tekserý barysynda tiisti sot saraptamalary taǵaiyndalǵan. 6 qyrkúiekte saraptama qorytyndysy alynǵannan keiin qylmystyq is 99-baptyń 1-bóligi ("Adam óltirý") boiynsha qaita qaralǵan.
"Basqa zardap shekkenderge qatysty Qylmystyq Kodekstiń 24-baby 3-bóligi jáne 99-baby 2-bóliginiń 1-tarmaǵy ("Eki jáne odan da kóp adamdy óltirýge qastandyq jasaý") boiynsha sotaldy tergep-tekserý bastaldy.
Kúdikti ustalyp, ýaqytsha ustaý izoliatoryna qamaldy. Sotaldy tergeý jalǵasyp jatyr. Qylmystyq isti tergeýdi PD men oblys prokýratýrasynyń basshylyǵy baqylaýǵa aldy", - deidi vedomstvo ókilderi.
