Foto: raiffinfo.ru
Ulttyq ekonomika ministri Álibek Qýantyrovtyń aitýynsha, 2022 aýylǵa respýblika biýdjetinen bólingen 128 mlrd teńgeniń 94 paiyzy igerilgen, dep habarlaidy QazAqparat.
«2022 jyly 577 aýyldyq eldi mekende 1 myńnan astam jobany iske asyrýǵa 128 mlrd teńge bólindi.
Osy jyldyń 1 qańtaryndaǵy jaǵdai boiynsha oblys ákimdikteri bólingen qarajattyń 94% igergen», - dedi ol Úkimet otyrysynda.
Qarajattyń joǵary igerilýi Atyraý, Qostanai, Soltústik Qazaqstan, Túrkistan oblystarynda baiqalǵan kórinedi.
«Sonymen qatar qarajattyń eń tómen igerilýi Ulytaý, Mańǵystaý jáne Batys Qazaqstan oblystarynda tirkeldi.
Ministrlik jyl saiyn aýyldardyń óńirlik standarttar júiesine sáikes qamtamasyz etilýine monitoringin júrgizedi.
Óńirlik standarttar júiesiniń maqsaty – aýyldy aýmaqtardyń áleýmettik-ekonomikalyq áleýetin damytý jáne qoldaý arqyly aýyl halqynyń ómir súrý sapasyn arttyrýǵa jaǵdai jasaý.
Jobanyń ótken jyldarda iske asyrylýy nátijesinde óńirlerdiń kórsetkishteri standarttar júiesiniń talaptaryna sáikes joǵarylady. Máselen, ortasha qamtamasyz etý 2021 jyly 64,1% qurady. Bul kórsetkish 2019 jylmen salystyrǵanda 9,3% joǵary», - dedi Álibek Qýantyrov.
