Foto: ashyq derekkóz
Artýr Tólepovtiń jubaiy kópshilik bile bermeitin jeke ómirine qatysty mańyzdy jaitty bólisti. Ol áleýmettik jelidegi paraqshasynda alty jyl buryn otbasyna túsken aýyr synaq týraly alǵash ret ashyq aitty, dep habarlaidy Ult.kz.
«Erekshe bala ma ne dep tań qalyp jatyrsyzdar. Erekshe bala degen – naqty diagnozy bar bala. Ókinishke orai, bizdiń basymyzǵa da osyndai synaq 6 jyl buryn kelip tústi. Biraq men muny úlken synaq dep qabyldamaimyn. Jeńil túrde qabyldaimyn. Jeńil qabyldaýyma sebep – joldasymnyń sol ýaqyttaǵy úlken qoldaýy. Biz jalpy ómirge jeńil qaraityn adamdarmyz», – dedi ol.
Aktiordiń jary buryn jeke ómirin kóp jariia etpegenin aityp, sondyqtan jurttyń tańdanysy tabiǵi ekenin jetkizdi. Aldaǵy ýaqytta bul taqyrypty ashyq aitý josparda bolǵanymen, áli tolyq daiyn emes ekenin de jasyrmady.
«Naqty nátijemiz bolǵan kezde bólisemiz. Qazirdiń ózinde Allaǵa shúkir», – dep qorytyndylady ol.
