Bir aptaǵa sozylǵan salt atty saiahat Baianaýylǵa kelip jetti. Bes júz shaqyrymnan asa qashyqtyqty artqa tastaǵyn seriler toby óńirimizdegi erekshe tabiǵi eskertkish «Kempirtasqa» toqtady. Salt atty saiahatshylardy Pavlodar oblysynyń ákimi Bolat Baqaýov, Baianaýyl aýdanynyń ákimi Orazgeldi Qaiyrgeldinov pen «Nur Otan» partiiasynyń Baianaýyl aýdandyq filialy tóraǵasynyń birinshi orynbasary Raýan Janteliev jáne aýdan turǵyndary men qonaqtary qarsy aldy.
Ekspeditsiia basshysy jáne ideia avtory, oblystyq máslihat depýtaty Oral Sartaev Oblys ákimi Bolat Baqaýovqa osynaý sharanyń máni men mańyzyn jáne maqsatyn aityp ótti. «Bul tek atpen júrip ótý sapary emes. Toqtaǵan ár aýylda mádeni – sporttyq is-sharalar ótti. Baianaýyldan shyqqan uly tulǵalarǵa taǵzym ettik. Sapar barysynda, «Bulaq kórseń kózin ash degendei, jas talanttardy taptyq» - dedi Oral Rahmashuly.
Sondai-aq Oral Rahmashuly bastamany qoldap, basynan aiaǵyna deiin at ústinde júrgen ekspeditsiia músheleri aýdandyq máslihat depýtaty Aldamjar Altynbekke, Jaiaý Musa aýylynyń turǵyny Ramazan Adambekovke, Jumat Shanin aýylynyń turǵyndary Baqytjan Júnisov pen Maqsutbek Kópjasarovqa, jas ta bolsa ór minezdi bolyp ósip kele jatqan Saiat Sarbasov pen osynaý sapar úshin Almaty qalasynan arnaiy kelgen «Ulan» balalar basylymynyń tilshisi Asylan Tilegenge jáne osynaý igi sharany uiymdastyrýǵa septigin tigizgen Baianaýyl aýdanynyń eljandy azamattaryna zor alǵysyn bildirdi.
«Ulylarǵa taǵzym – urpaqqa amanat» salt attylar sapary alǵash ret uiymdastyrylǵanyna qaramastan óskeleń urpaqqa úlgi, ónege. Ár aýylda bolǵan sapar saiyn jalqyǵa, ulttyq ónerge, ulttyq sportqa degen qyzyǵýshylyǵy oianǵan jastar kóptep kezdesti. Sol jas óskinderdiń azamat bolyp qalyptasýyna jol ashar osyndai aýqymdy shara áli de jalǵasyn tabatyn bolady.
Arnaiy Ult portaly úshin Baianaýyldan Elaman QABDILÁShIM
