Aqyn, jýrnalist, redaktor, Jazýshylar odaǵynyń tóraǵasy Ulyqbek Esdáýlet qazaqstandyqtardy Astana kúnimen quttyqtady, dep habarlaidy QazAqparat.
Ulyqbek Esdáýlet Nur-Sultan qalasy – memleketimizdiń júregi, ekonomikalyq damýdyń tiregi, elimizdiń mádeni kelbeti ekenin atap ótti.
«Buryn Aqmola, keiin Astana, al búginde Nur-Sultan qalasy retinde tanymal. Biz qalanyń qalai damyp, ǵimarattardyń boi kóterip, kóshelerdiń abattandyrylýyna kýá boldyq. Astanada sáni men saltanaty jarasqan túrli sáýlet qurylystaryn, atap aitqanda, Piramida, Han Shatyr men basqalaryn kórýge bolady. Munda Batys pen Shyǵystyń stili aralasyp, Astanany erekshe sáýlet nysanyna ainaldyrdy», - deidi aqyn.
Onyń aitýynsha, Jazýshylar Odaǵynyń Nur-Sultandaǵy filialynyń ǵimaraty da óziniń ereksheligimen tanymal.
«Barlyq forýmdar bas qalada ótedi. Astanadaǵy barlyq tanymal jazýshylarǵa eskertkishter qoiylyp, alleialar men alańdar ashyldy. Astana aqyndar men jazýshylardy jańa týyndylarǵa shabyttandyrady», – Ulyqbek Esdáýlet.
