Qazaqstan Jazýshylar odaǵynyń tóraǵasy Ulyqbek Esdáýlet Eýraziialyq qurmet belgisimen marapattaldy. Bul týraly Qazaqstannyń Reseidegi Elshiligi habarlady.
Bul - «Eýraziia álemi – XXI ǵasyr» jahandyq eýraziialyq jaqyndasýdyń memleketaralyq forýmy uiymdastyrý komitetiniń resmi syilyǵy. Joba Resei Federatsiiasy Prezidenti Ákimshiligimen, Eýraziialyq ekonomikalyq komissiiamen jáne Máskeý qalalyq Dýmasymen birlesip júzege asyrylýda.
«Eýraziialyq Qurmet belgisi biyl bekitildi, Qazaqstan Jazýshylar odaǵynyń tóraǵasy Ulyqbek Esdáýlet onyń alǵashqy laýreattarynyń biri atandy», - delingen Elshilik saitynda.
Máskeýde ornalasqan Qazaqstan Elshiliginde ótken marapattaý rásiminde «Eýraziia álemi – HHI ǵasyr» forýmynyń marapattaý keńsesiniń múshesi, Búkilreseilik sýda qutqarý qoǵamy Keńesi tóralqasynyń múshesi Iýrii Bezridnyi Ulyqbek Esdáýlet «Qoǵamdyq qyzmet» jáne «Mádeniet» nominatsiialary boiynsha elderdi, mádenietter men halyqtardy Eýraziialyq jaqyndastyrý isindegi kóp jylǵy eńbegi úshin marapattalǵanyn atap ótti.
Óz kezeginde Ulyqbek Esdáýlet Eýraziia keńistiginde shyǵarmashylyq bailanystar men mádenietter dialogyn nyǵaitýdyń mańyzdylyǵyn atap ótti.
Aita keteiik, pandemiia bastalǵaly beri Qazaqstan men Resei ókilderi arasyndaǵy shyǵarmashylyq bailanystar qaita jandanýda.
Eske salsaq, 2014 jyldyń qarasha aiynda Máskeýde eki el jazýshylarynyń keń aýqymdy kezdesýi ótti.
