Beisenbide Ulybritaniiada kovid juqtyrǵandar sany 88,3 myń adamǵa jetti - bul pandemiia kezindegi eń úlken táýliktik kórsetkish, dep habarlaidy QazAqparat VVS-ge silteme jasap.
Resmi málimetterge sáikes, sársenbide 10 myńǵa jýyq adamǵa «Omikron» diagnozy qoiyldy, degenmen Ulybritaniiada koronavirýstyń jańa mýtatsiiasy bar adamdar sany eki ese kóp bolýy múmkin.
Osyǵan bailanysty Frantsiia Ulybritaniia azamattaryna elge erkin kirýge tyiym saldy. Frantsýz biliginiń málimdemesinde «Omikron» nusqasynyń tez taralýyna bailanysty elge kirýge saiahattaýǵa «naqty sebebi bar» britandyqtarǵa ǵana ruqsat etiledi jáne olar Frantsiiaǵa kirgende de, shyqqanda da test jasaýǵa mindetti.
Sársenbi kúngi málimetter boiynsha, Frantsiiada kovidpen 65,7 myń adam aýyrǵan, onyń ishinde tek 240-y «Omikronǵa» tiesili.
Senbi kúni tún ortasynan bastap kúshine enetin jańa erejelerge sáikes, Ulybritaniiadan Frantsiiaǵa barý úshin vaktsina alǵan jáne almaǵan saiahatshylar elge kirý úshin naqty sebebin aitý kerek. Týristik jáne iskerlik saparlar buǵan kirmeidi. Frantsiia azamattary, olardyń seriktesteri men balalary eshqandai sebepsiz úilerine orala alady.
Frantsiiaǵa kirýge ruqsat etilse de, barlyq kelýshiler bir apta ishinde oqshaýlanýǵa mindetti. Biraq, teris test usynylǵan jaǵdaida oqshaýlanýdy 48 saǵattan keiin toqtatýǵa bolady.
Bul shekteýler aýyr júk kóliginiń júrgizýshilerine qatysty emes, dedi Ulybritaniia kólik ministri Grant Shapps.
