© AFP 2024 / Daniel LEAL-OLIVAS Ulybritaniia syrtqy ister ministri Devid Lemmi Frantsiia jáne Germaniia SIM basshylary Jan-Noel Barro men Annalena Berboktan keiin AQSh memlekettik hatshysy Marko Rýbio men AQSh prezidentiniń arnaiy ókili Stiv Ýitkofftyń Ulybritaniiaǵa sapary toqtatylǵannan keiin Ýkraina boiynsha kelissózderge qatyspaý týraly sheshim qabyldady. Bul týraly Sky News habarlady, dep jazady Ria Novosti.
Sky News Frantsiia men Germaniia syrtqy ister ministrleri Rýbio men Ýitkofftyń saparynyń toqtatylýyna bailanysty Londonǵa josparlanǵan saparyn keiinge qaldyrýy múmkin ekenin atap ótti.
"Rýbio is-sharany uiymdastyrýshy Lemmige qońyraý shalyp (sapardyń toqtatylǵany týraly – red.) habardar etti. Alaida osydan keiin Lemmi de qatysýdan bas tarttty", - delingen telearna habarlamasynda.
Osylaisha, beibit kelissózder buryn boljanǵan deńgeiden tómen deńgeide ótedi, delingen materialda. Osyǵan qaramastan, Ulybritaniia Syrtqy ister ministrliginiń basshysy Ýkrainanyń syrtqy ister ministri Andrei Sybihamen áli de kelissózder júrgizedi, dep naqtylady telearna.
Seisenbi kúni Washington Post aqparat kózderine silteme jasap, AQSh sársenbi kúni Londonda ótetin ýkraindyq qaqtyǵysty retteýge arnalǵan kezdesýde Eýropa elderi men Ýkrainaǵa Qyrymdy Resei dep tanýdy usynatynyn, al Kiev rejiminiń odaqtastary onyń ornyna Ýkrainanyń qaýipsizdigine kepildik alýǵa úmittenetinin habarlady.
