Mamyr aiynda britandyq armiianyń 8 myńǵa jýyq qyzmetkeri Shyǵys Eýropadaǵy áskeri jattyǵýlarǵa qatysady, dep habarlaidy QazAqparat britandyq BAQ-qa silteme jasap.
«Exercise Hedgehog» oqý-jattyǵýy mamyr aiynda bastalady jáne britandyq áskerlerdiń Estoniia-Latviia shekarasynda qozǵalýyn jáne NATO-nyń 18 000 áskerin, sonyń ishinde Ulybritaniia jetekshilik etetin aimaqtaǵy NATO tobynyń bóligi bolyp tabylatyn Frantsiia men Daniia áskerlerin qamtidy.
Jattyǵýǵa 72 Challenger-2 tanki, 12 AS90 shynjyr tabandy artilleriia jáne 120 Warrior brondalǵan jaýyngerlik mashinasy qatysady, dep habarlaidy Gov.uk úkimet saity.
Ulybritaniianyń qorǵanys ministri Ben Ýolles Eýropanyń qaýipsizdigi burynǵydan da mańyzdy ekenin atap ótti.
«Bul oqý-jattyǵýda bizdiń áskerler NATO odaqtastarymen, seriktesterimen jáne Birikken Ekspeditsiialyq Kúshtermen qyrǵi-qabaq soǵystan keiingi eń iri birlesken jattyǵýlardyń birinde yntymaq pen kúshte kúsh biriktiredi. Eýropada áreket ete otyryp, Britan armiiasy bizdiń múmkindikterimiz ben ortaq qundylyqtarymyzdy biriktirip, beibitshilik pen qaýipsizdikke úles qosa otyryp, seriktesterimizdiń janynda bolady», - dedi Ulybritaniia Qorǵanys ministri málimdemesinde.
