Amerikalyq Pfizer jáne germaniialyq BioNTech kompaniiasy birigip ázirlegen koronavirýs vaktsinasyn álemde birinshi bolyp tirkegen Ulybritaniia 8 jeltoqsanda turǵyndarǵa vaktsina ege bastaidy. Birinshi kezekte meditsina qyzmetkerleri men 80 jastan asqan adamdar vaktsinatsiiadan ótedi.
Ulybritaniia Pfizer-BioNTech kompaniiasynan 40 mln doza vaktsina alýǵa kelisken. Bul 20 mln adamǵa eki retten salynady. Vaktsinatsiia eldegi 50 shaqty aýrýhanada júrgiziledi dep aitylady.
Vaktsina dozalary immýnizatsiia baǵdarlamasy bastalmai turyp eki kún buryn Ulybritaniiaǵa jetkizilgen. Shamamen 800 myń doza óte sýyq konteinerlerge jiberilgen. Buǵan deiin Pfizer vaktsinasyn -70 gradýs temperatýrada saqtaý qajettigi aitylǵan edi.
Qarasha aiynda kompaniia vaktsinanyń virýstan 95 paiyz qorǵai alatynyn kórsetti dep málimdegen.
Ulybritaniia - Eýropada virýstan qatty zardap shekken elderdiń biri. Munda 61 myńnan astam adam koronavirýstan qaitys bolǵan. Álem úkimetteri men densaýlyq saqtaý agenttikteri Ulybritaniianyń vaktsinatsiia baǵdarlamasyn muqiiat baqylap otyr.
Koronavirýs juqtyrǵandar sany jaǵynan álemde birinshi orynda turǵan AQSh osy aidyń sońyna taman vaktsinatsiia bastaýdy josparlap otyr.
