امەريكالىق Pfizer جەنە گەرمانييالىق BioNTech كومپانيياسى بٸرٸگٸپ ەزٸرلەگەن كوروناۆيرۋس ۆاكتسيناسىن ەلەمدە بٸرٸنشٸ بولىپ تٸركەگەن ۇلىبريتانييا 8 جەلتوقساندا تۇرعىندارعا ۆاكتسينا ەگە باستايدى. بٸرٸنشٸ كەزەكتە مەديتسينا قىزمەتكەرلەرٸ مەن 80 جاستان اسقان ادامدار ۆاكتسيناتسييادان ٶتەدٸ.
ۇلىبريتانييا Pfizer-BioNTech كومپانيياسىنان 40 ملن دوزا ۆاكتسينا الۋعا كەلٸسكەن. بۇل 20 ملن ادامعا ەكٸ رەتتەن سالىنادى. ۆاكتسيناتسييا ەلدەگٸ 50 شاقتى اۋرۋحانادا جٷرگٸزٸلەدٸ دەپ ايتىلادى.
ۆاكتسينا دوزالارى يممۋنيزاتسييا باعدارلاماسى باستالماي تۇرىپ ەكٸ كٷن بۇرىن ۇلىبريتانيياعا جەتكٸزٸلگەن. شامامەن 800 مىڭ دوزا ٶتە سۋىق كونتەينەرلەرگە جٸبەرٸلگەن. بۇعان دەيٸن Pfizer ۆاكتسيناسىن -70 گرادۋس تەمپەراتۋرادا ساقتاۋ قاجەتتٸگٸ ايتىلعان ەدٸ.
قاراشا ايىندا كومپانييا ۆاكتسينانىڭ ۆيرۋستان 95 پايىز قورعاي الاتىنىن كٶرسەتتٸ دەپ مەلٸمدەگەن.
ۇلىبريتانييا - ەۋروپادا ۆيرۋستان قاتتى زارداپ شەككەن ەلدەردٸڭ بٸرٸ. مۇندا 61 مىڭنان استام ادام كوروناۆيرۋستان قايتىس بولعان. ەلەم ٷكٸمەتتەرٸ مەن دەنساۋلىق ساقتاۋ اگەنتتٸكتەرٸ ۇلىبريتانييانىڭ ۆاكتسيناتسييا باعدارلاماسىن مۇقييات باقىلاپ وتىر.
كوروناۆيرۋس جۇقتىرعاندار سانى جاعىنان ەلەمدە بٸرٸنشٸ ورىندا تۇرعان اقش وسى ايدىڭ سوڭىنا تامان ۆاكتسيناتسييا باستاۋدى جوسپارلاپ وتىر.
