Ulybritaniia men Izrail Oman jaǵalaýynda izraildik munai tankerine jasalǵan shabýyldy Irannan kórip otyr.
Ótken aptada belgisiz dron Úndi muhityndaǵy Oman jaǵalaýynda turǵan Mercer Street munai tankerine shabýyl jasaǵan. Keme japondyq firmaǵa tiesili bolǵanmen ony izraildik kompaniia paidalanyp otyr. Shabýyldyń saldarynan bir britandyq jáne bir rýmyn azamaty qaza bolǵan.
Sarapshylardyń baǵalaýynsha, bul - iadrolyq kelisimge bailanysty Iranmen jaǵdai ýshyqqan tusta aimaqta kommertsiialyq kemege jasalǵan eń iri shabýyl.
"Bul aldyn ala oilastyrylǵan shabýyl jáne Iran osylaisha halyqaralyq zańdy óreskel buzyp otyr" dedi Ulybritaniia syrtqy ister ministri Dominik Raab.
Onyń aitýynsha, Ulybritaniia men odaqtastary shabýylǵa birlese jaýap berý amalyn qarastyryp jatyr.
"Nemis tolqyny" saitynyń jazýynsha, AQSh ta oqiǵaǵa Irandy aiyptap, máseleni odaqtastarymen talqylaǵan.
Buǵan deiin Izrail premer-ministri Naftali Bennet Iran "jaýapkershilikten jaltarýǵa tyrysty" dep málimdep, Tegerannyń joqqa shyǵarýyn "qorqaqtyq" dep ataǵan.
Al Iran syrtqy ister ministrliginiń resmi ókili Said Hatibzadeh muny "negizsiz aiyptaý" dep málimdegen.
