Ulybritaniia Qazaqstanǵa qarsy sanktsiia salýdy kózdemeitinin málimdedi. Bul týraly Qazaqstannyń Syrtqy ister ministrligi habarlady.
SIM málimetinshe, Qazaqstan syrtqy ister ministriniń orynbasary Roman Vasilenko Ulybritaniianyń Ortalyq jáne Ońtústik Aziia, Soltústik Afrika isteri jónindegi Memlekettik ministri Lord Tarik Ahmadpen beine-kezdesý ótkizgen, sondai-aq Ulybritaniianyń Qazaqstandaǵy elshisi Keti Lichti qabyldaǵan.
Taraptar diplomatiialyq qarym-qatynastardyń 30 jyly ishinde qol jetkizilgen ózara senim men keń aýqymdy ózara tiimdi yntymaqtastyqtyń joǵary deńgeiin atap ótti. Sondai-aq, olar Ýkrainadaǵy jaǵdaidy jáne soǵys qimyldaryn toqtatý jáne taraptardy beibit jolmen sheshýge qaitarý boiynsha halyqaralyq deńgeide qabyldanǵan qadamdardy talqylady.
"Britandyq tarap Reseidiń Ýkrainadaǵy áskeri operatsiiasyna bailanysty Qazaqstanǵa qatysty qandai da bir sanktsiia salýǵa nietti emes ekenin rastady.
Kezdesý qorytyndysy boiynsha talqylanǵan taqyryptardyń barlyq spektri boiynsha tolyq ózara túsinistik rastaldy jáne ekijaqty qatynastardy odan ári belsendi jáne jan-jaqty damytýǵa ózara daiyndyq bildirildi", - delingen habarlamada.
