Ulybritaniia koronavirýsqa bailanysty engizgen karantin merzimin taǵy úsh aptaǵa sozdy.
Densaýlyq saqtaý ministri Mett Henkok shekteý sharalary erte alynsa, jaǵdai qiyndap ketýi múmkin dep qaýiptenedi. Syrtqy ister ministri Dominik Raab shekteý sharalaryn jumsartý halyq densaýlyǵyna da, el ekonomikasyna da keri áser etedi dep málimdedi.
Epidemiia bastalǵaly beri Ulybritaniiada 103 myń adamnan virýs tabylǵan. 13 myńnan astam adam qaitys bolǵan.
Premer-ministr Boris Djonsonǵa da koronavirýs juqqany anyqtalǵan edi. Ol birneshe kún Áýlie Foma aýrýhanasynda emdelip, ótken apta sońynda shyqty.
Buǵan deiin Avstriia, Daniia, Germaniia shekteý sharalaryn jumsartatynyn habarlaǵan. Biraq bilik azamattardy saq bolýǵa jáne dárigerler keńesin oryndaýǵa shaqyrǵan.
Sońǵy málimet boiynsha, álemde koronavirýs juqtyrǵandar 2 million 160 myńnan asty. 144 myńnan astam adam qaitys bolǵan. AQSh, Ispaniia, Italiia, Frantsiia, Germaniia virýstan qatty zardap shekti. Virýs juqtyrǵandar sany jaǵynan Ulybritaniia álemde altynshy orynda tur.
