Foto: x.com / @EmmanuelMacron
Ýkrainanyń eýropalyq odaqtastarynyń tórt basshysy – Frantsiia prezidenti Emmaniýel Makron, GFR kantsleri Fridrih Merts, Ulybritaniia premer-ministri Kir Starmer jáne Polsha premer-ministri Donald Týsk 10 mamyr, senbi kúni Kievke barady, dep habarlaidy VVS.
Olar Ýkraina prezidenti Vladimir Zelenskiimen kelissóz júrgizip, Reseidi atysty 30 kúnge toqtatýǵa kelisýge shaqyrmaq.
Makron «tórttiktiń» birlesken sýretin jariialap, oǵan frantsýz, aǵylshyn, nemis jáne poliak tilderinde: «Biz Kievke jolǵa shyqtyq. Ýkraina úshin, Eýropa úshin» degen jazba qaldyrdy.
Sapar qarsańynda Kievtiń eýropalyq odaqtastarynyń basshylary Máskeýdi «atysty 30 kúnge tolyq jáne sózsiz toqtatýǵa» shaqyrdy. AQSh prezidenti Donald Tramp Zelenskiimen sóileskennen keiin 8 mamyrda AQSh Reseiden 30 atysty 30 kúnge toqtatýdy talap etetinin málimdedi.
Bir kún buryn Reuters agenttigi diplomatiialyq derekkózge silteme jasai otyryp AQSh pen eýropalyq odaqtastar Máskeýge Ýkrainadaǵy atysty 30 kúnge toqtatý týraly usynysyn aiaqtap jatqanyn, al eger Resei odan bas tartsa, EO men AQSh-tyń jańa sanktsiialaryna tap bolatynyn habarlady.
Buǵan deiin Germaniianyń jańa kantsleri Fridrih Merts atysty toqtatý týraly kelisim aldaǵy eki kún ishinde sheshilýi múmkin ekenin málimdedi.
