«Chelsi» fýtbol klýby Ulybritaniia biliginen klýbty satýǵa ruqsat etetin litsenziia aldy. Endi kelisimdi Eýropalyq Odaq pen Portýgaliia maquldaýy kerek. Óitkeni klýbtyń qazirgi iesi Roman Abramovich osy eldiń azamaty, dep habarlaidy QazAqparat Euronews-ke silteme jasap.
7 mamyrda «Chelsi» 4,25 milliard dollarǵa (5,2 milliard dollar) amerikalyq kásipker Todd Beli bastaǵan konsortsiýmǵa satý týraly kelisimge qol qoidy. Onyń ishinde klýb úshin 2,5 milliard fýnt tólenedi, al onyń damýyna taǵy 1,75 milliard fýnt (2,16 milliard dollar) salynýy kerek.
Alaida «Chelsidiń» Camberley International Investments investitsiialyq qoryna tólenýi tiis 1,54 mlrd fýnt ($1,9 mlrd) qaryzyn kim óteitini belgisiz. Roman Abramovich «Chelsige» 2003 jyldan beri ielik etip keledi. Osy jyldyń naýryzynda klýbty satylymǵa shyǵardy.
