Ulybritaniia premer-ministri Boris Djonson Saýd Arabiiasymen jáne BAÁ-men kelissózderdiń qorytyndysy boiynsha munai óndirýdi arttyrý týraly kelisimge qol jetkize almady, - dep habarlaidy Tengrinews.kz tilshisi Reuters agenttigine silteme jasap.
Agenttiktiń habarlaýynsha, Djonsonnyń Abý-Dabi men Er-Riiadqa sapary munai jetkizilimin qamtamasyz etýge baǵyttalǵan. Alaida, britandyq premer-ministrdiń arab elderine sapary sátsiz aiaqtaldy.
Er-Riiadtaǵy kelissózderde Ulybritaniia premer-ministri Saýd Arabiiasy óndiristi ulǵaita ma degen suraqqa jaýap berip, ózi de qosymsha suraq qoidy.
"Meniń oiymsha, bul týraly saýdiialyqtarmen sóilesýińiz kerek. Biraq men álemdik munai jáne gaz naryqtarynda turaqtylyqty qamtamasyz etý qajettiligi týraly túsinik boldy dep sanaimyn", - dep jaýap berdi Djonson.
Reuters agenttiginiń habarlaýynsha, Abý-Dabidegi kezdesýde Djonson energetikalyq naryqty turaqtandyrý úshin birlesip jumys isteý qajetin atap ótse de, ol Saýd Arabiiasy men BAÁ kóshbasshylarynan naqty jaýap alǵan joq.
Dál osy kezdesýge deiin Djonson álem elderi Reseiden alatyn kómirsýtekti shikizattan bas tartýy kerek dep málimdedi. Al Saýd Arabiiasy men BAÁ osy ustanymdy júzege asyrýǵa kómektesetin negizgi halyqaralyq seriktester bola alady.
