Foto: videodan skrinshot
5–8 mamyr aralyǵynda «Eýraziia» Birinshi arnasynda shytyrman oqiǵalarǵa toly, segiz bólimnen turatyn «Alligator» atty detektiv janryndaǵy telehikaianyń premerasy ótedi, dep habarlaidy Ult.kz.
Bul telehikaia — Uly Jeńistiń 80 jyldyǵyna orai Qazaqstan men Reseidiń birlesip túsirgen týyndysy.
Siýjet naqty tarihi oqiǵalarǵa negizdelip, arhivtik materialdar, memýarlar men qupiia qujattardyń derekteri arqyly qaita jańǵyrtylǵan.
Oqiǵa 1943 jyldyń tamyz aiynda tyldaǵy Almaty qalasynda órbidi. Bul kezeńde qalaǵa evakýatsiialanǵan zaýyttar maidan úshin qarý-jaraq óndirýmen ainalysady. Alaida qalanyń kóleńkeli tustarynda bandalar, diversanttar men úshinshi Reihtiń agentteri áreket etip, Almatyny Keńes Odaǵynyń qylmystyq astanasyna ainaldyrady.
Basty keiipkerler qylmyspen kúres júrgizip, olarǵa kómekke Máskeýden tájiribeli qarsy barlaý ofitseri keledi. Olar birigip, diversiialardyń aldyn alyp, nemis tyńshysyn áshkereleý jolynda uiqysyz túnderdi bastan ótkeredi.
«Alligator» — banditizmge qarsy kúresti baiandaýmen qatar, evakýatsiialanǵan jandarǵa baryn bólisip, qamqorlyq kórsetken qazaq halqynyń qonaqjai bolmysyn da áserli jetkizetin teletýyndy.
Filmde Qazaqstan men Resei kinosynyń juldyzdary Erbolat Toǵyzaqov, Erken Ǵubashev, Merýert Ótekesheva, Aidana Elemes jáne basqa da talantty akterler oinaidy.
