Foto: Ulttyq bank
Ulttyq bank «Este qalatyn oqiǵalar men birtýar adamdar» seriiasynan ULY JEŃIS. 80 JYL kollektsiialyq monetalaryn ainalymǵa shyǵarady, dep habarlaidy banktiń baspasóz qyzmeti.
Monetalar satýǵa shyǵarylatyn kúnge qatysty aqparat QUB resmi saitynda qosymsha habarlanady.
ULY JEŃIS. 80 JYL kollektsiialyq monetalary týraly
ULY JEŃIS. 80 JYL monetalarynda Otan qorǵaýshylardyń erligi men janqiiarlyq rýhyna degen tereń qurmettiń belgisi bar. Bul monetalar Jeńis týraly tarihi oqiǵany máńgi este saqtap, óskeleń urpaqty otansúigishtikke tárbieleý maqsatynda shyǵarylyp otyr. Monetalar ataýly dataǵa arnalǵan mádeni ári tarihi murany saqtaý jolyndaǵy umtylysty pash etedi.
Monetalarda erlikpen qaza tapqan qaharmandardy eske túsiretin máńgilik alaý kórinis tapqan. «80» sanyndaǵy oiý-órnek jeńis lentasyn beineleidi jáne ol Qazaqstan Respýblikasynyń Memlekettik Týy elementterimen úndesetin stilde oryndalǵan.
Monetalar:
altyn jalatylǵan 925 synamdy kúmisten jasaldy, massasy – 31,1 gramm, diametri – 38,61 mm, túrli tústi baspa tehnologiiasy qoldanylǵan, daiyndaý sapasy – «proof», nominaly – 1 000 teńgelik, taralymy – 2 000 (eki myń) dana;
Nominaly 1 000 teńgelik monetanyń beinesi
Foto: Ulttyq bank
nibrass/neizilber qospalarynan (bikolorly) jasaldy, massasy – 7,5 gramm, diametri – 26 mm, daiyndaý sapasy – «uncirculated», nominaly – 200 teńgelik, taralymy – 10 000 000 (on million) dana.
Nominaly 200 teńgelik bikolorly monetalar Qazaqstan Respýblikasynyń aýmaǵynda qoldanysta bar monetalarmen birge erkin ainalymda bolady.
Nominaly 200 teńgelik monetanyń beinesi
Foto: Ulttyq bank
Kollektsiialyq monetalar eldiń búkil aýmaǵynda óziniń belgilengen qunyna sai tólemniń barlyq túri boiynsha qabyldanýǵa, sondai-aq eldiń barlyq bankinde banktik shottarǵa esepke alynýǵa, aýdarýǵa, usaqtalýǵa jáne aiyrbastalýǵa mindetti.
Kollektsiialyq monetalar Qazaqstan teńge saraiynda daiyndaldy.
Aita ketelik Ulttyq bank mamyr aiynda Ulttyq qordan 1 mlrd dollar satýy múmkin ekeni týraly jazǵan edik.
