Qazaqstan men "Roskosmos" arnaiy kelisimine sáikes, 2020 jyldan bastap "Proton" zymyranyn iske qosý keshenderi elimizge berile bastaidy. Sondai-aq, 2025 jyly ýly geptilmen biikke kóteriletin zymyrandardy ushyrý toqtatylady, - dep habarlaidy Massaget.kz.
"Izvestiia" basylymynyń habarlaýy boiynsha, 2020 jyldan bastap "Proton" zymyrandaryn Qazaqstan da, Reseide de qatar ushyra alatyn bolady. Al Reseide jasalatyn zamanaýi "Suńqar" tasyǵysh zymyrannyń synaqtary 2024 jyly bastalyp, 2025 jyly ol saýda-sattyq (kommertsiia) maqsatta paidalanýǵa beriledi dep josparlanyp otyr.
Saýda-sattyq maqsattaǵy joba iske asqannan keiin, Resei tarapy geptil otynymen ushatyn "Proton-M" men onyń jańartylǵan túri "Proton-light" zymyrandaryn ushyrýdy birjola toqtatpaq.
Aita keteiik, geptil - ziiany boiynsha 1-klasqa jatatyn, adam ómirine óte qaýipti himiialyq ýly zat (CH3)2NNH2). Ol lastaǵan aimaqtarda 30 jyldan astam ýaqytqa deiin eshqandai tirshilik belgisi baiqalmaidy. Al himikterdiń arasynda "geptildiń ziiany atom jarylysynan da qaýipti" degen tujyrym aitylyp júr.
