Qazaqstan halqy Assambleiasy qazaq tilin ultaralyq qatynas tiline ainaldyrý maqsatynda memlekettik tildi erkin meńgergen túrli etnos ókilderi arasynda «ULY DALANYŃ ULTARALYQ TILI» bastamasyn jariialady, - dep habarlaidy «Ult aqparat».
Qazaqstan halqy Assambleiasy qazaq tilin ultaralyq qatynas tiline ainaldyrý maqsatynda memlekettik tildi erkin meńgergen túrli etnos ókilderi arasynda tuńǵysh ret «ULY DALANYŃ ULTARALYQ TILI» forýmyn ótkizdi. Sharaǵa elimizdiń túkpir-túkpirinen 100 den astam etnos ókilderi qatysyp, qazaq tilinde pikir almasyp, oi bólisti.
Máselen, bóbekterdi memlekettik tilde tárbielep otyrǵan Atyraý oblysynyń turǵyny Iýliana Novikova óz sózinde tildi balabaqshadan bastap úiretýdiń mańyzdylyǵyn atap ótti.
Reseiden kóship kelgen Viktoriia Tregýbova qazaq mektebinde qalai bilim alǵanyn áńgimelese, Ońtústik Koreianyń azamatshasy Chý Iong Mi qazaq tilin shetelde oqytý jáne nasihattaý máselelerin ortaǵa saldy.
Memlekettik qyzmetker Aleksei Ovcharov memlekettik qyzmettegi árbir azamattyń qazaq tilin jetik meńgerý kerek ekendigin basa aitty. Sondai-aq qatysýshylar memlekettik qyzmetke qabyldaý kezinde qazaq tili boiynsha testileýdiń nátijesiz qalmai, eskerilý kerektigine nazar aýdardy.
Aqmola oblysynan kelgen mektep muǵalimi Natalia Dementeva aǵylshyn tilin úiretý baǵdarlamasyn negizge ala otyryp, qazaq tilin úiretý ádistemelerin jeteldirý qajettiligin tilge tiek etti.
Forým aldaǵy ýaqytta barlyq oblystarda jalǵasatyn bolady.
Sońynan QHA memlekettik tildi erkin meńgergen túrli etnos ókilderi arasynda «ULY DALANYŃ ULTARALYQ TILI» bastamasy jariialady.
