Qazaqstan Respýblikasy IIM Ulttyq ulanynda áskeri qyzmetshilerdi psihologiialyq súiemeldeýge arnalǵan E-Nazar tsifrlyq júiesi kezeń-kezeńimen engizilip jatyr. Jańa platforma psihologiialyq testileý nátijelerin óńdeý ýaqytyn eki saǵattan 10–15 minýtqa deiin qysqartýǵa múmkindik beredi, dep habarlaidy ult.kz.
E-Nazar júiesi psihologiialyq testileýdi ótkizý, nátijelerdi avtomatty túrde óńdeý jáne analitikalyq derekterdi qalyptastyrý úderisterin biryńǵai tsifrlyq platformaǵa biriktiredi.
Júie arqyly merzimdi áskeri qyzmetshiler, kelisimshart negizinde qyzmet atqaratyn áskeri qyzmetkerler jáne ofitserler psihologiialyq testileýden óte alady.
Ulttyq ulannyń málimetinshe, tsifrlyq júieni engizýdiń nátijesinde qaǵaz qujat ainalymy 80 paiyzǵa qysqarǵan. Sonymen qatar psiholog mamandardyń jumys ýaqyty shamamen 2 myń saǵatqa únemdelip, testileý qorytyndylaryn shyǵarý birneshe saǵattyń ornyna 10–15 minýt ishinde júzege asady.
E-Nazar júiesiniń negizgi artyqshylyqtarynyń biri – derbes derekterdiń joǵary deńgeide qorǵalýy, aqparatty jedel óńdeý múmkindigi jáne psihologiialyq qyzmet mamandarynyń júktemesin azaitý.
Jobanyń ereksheligi – psihologiialyq ádistemelerdiń elektrondyq nusqalaryn Ulttyq ulannyń áskeri qyzmetshileri, efreitor Kim Hion Ý men qatardaǵy Berikjan Bektursynov aǵa ofitserlerdiń jetekshiligimen ázirlegen. Olar jasaǵan aqparattyq ónim patenttelip, onyń jańashyldyǵy men praktikalyq mańyzy rastalǵan.
Tsifrlyq júie elordadaǵy 5573 áskeri bóliminde synaqtan sátti ótip, óziniń tiimdiligin dáleldegen. Endi joba Qazaqstan Respýblikasy IIM Ulttyq ulanynyń barlyq áskeri bólimderinde psihologiialyq monitoringtiń biryńǵai avtomattandyrylǵan quraly retinde engizilmek.
Mamandardyń aitýynsha, E-Nazar júiesin iske qosý – Ulttyq ulandaǵy qyzmetti tsifrlandyrý jáne áskeri qyzmetshilerdi psihologiialyq qamtamasyz etý júiesin jetildirý baǵytyndaǵy mańyzdy qadamdardyń biri.
