قازاقستان رەسپۋبليكاسى ٸٸم ۇلتتىق ۇلانىندا ەسكەري قىزمەتشٸلەردٸ پسيحولوگييالىق سٷيەمەلدەۋگە ارنالعان E-Nazar تسيفرلىق جٷيەسٸ كەزەڭ-كەزەڭٸمەن ەنگٸزٸلٸپ جاتىر. جاڭا پلاتفورما پسيحولوگييالىق تەستٸلەۋ نەتيجەلەرٸن ٶڭدەۋ ۋاقىتىن ەكٸ ساعاتتان 10–15 مينۋتقا دەيٸن قىسقارتۋعا مٷمكٸندٸك بەرەدٸ, دەپ حابارلايدى ult.kz.
E-Nazar جٷيەسٸ پسيحولوگييالىق تەستٸلەۋدٸ ٶتكٸزۋ, نەتيجەلەردٸ اۆتوماتتى تٷردە ٶڭدەۋ جەنە اناليتيكالىق دەرەكتەردٸ قالىپتاستىرۋ ٷدەرٸستەرٸن بٸرىڭعاي تسيفرلىق پلاتفورماعا بٸرٸكتٸرەدٸ.
جٷيە ارقىلى مەرزٸمدٸ ەسكەري قىزمەتشٸلەر, كەلٸسٸمشارت نەگٸزٸندە قىزمەت اتقاراتىن ەسكەري قىزمەتكەرلەر جەنە وفيتسەرلەر پسيحولوگييالىق تەستٸلەۋدەن ٶتە الادى.
ۇلتتىق ۇلاننىڭ مەلٸمەتٸنشە, تسيفرلىق جٷيەنٸ ەنگٸزۋدٸڭ نەتيجەسٸندە قاعاز قۇجات اينالىمى 80 پايىزعا قىسقارعان. سونىمەن قاتار پسيحولوگ مامانداردىڭ جۇمىس ۋاقىتى شامامەن 2 مىڭ ساعاتقا ٷنەمدەلٸپ, تەستٸلەۋ قورىتىندىلارىن شىعارۋ بٸرنەشە ساعاتتىڭ ورنىنا 10–15 مينۋت ٸشٸندە جٷزەگە اسادى.
E-Nazar جٷيەسٸنٸڭ نەگٸزگٸ ارتىقشىلىقتارىنىڭ بٸرٸ – دەربەس دەرەكتەردٸڭ جوعارى دەڭگەيدە قورعالۋى, اقپاراتتى جەدەل ٶڭدەۋ مٷمكٸندٸگٸ جەنە پسيحولوگييالىق قىزمەت ماماندارىنىڭ جٷكتەمەسٸن ازايتۋ.
جوبانىڭ ەرەكشەلٸگٸ – پسيحولوگييالىق ەدٸستەمەلەردٸڭ ەلەكتروندىق نۇسقالارىن ۇلتتىق ۇلاننىڭ ەسكەري قىزمەتشٸلەرٸ, ەفرەيتور كيم حيون ۋ مەن قاتارداعى بەرٸكجان بەكتۇرسىنوۆ اعا وفيتسەرلەردٸڭ جەتەكشٸلٸگٸمەن ەزٸرلەگەن. ولار جاساعان اقپاراتتىق ٶنٸم پاتەنتتەلٸپ, ونىڭ جاڭاشىلدىعى مەن پراكتيكالىق ماڭىزى راستالعان.
تسيفرلىق جٷيە ەلورداداعى 5573 ەسكەري بٶلٸمٸندە سىناقتان سەتتٸ ٶتٸپ, ٶزٸنٸڭ تيٸمدٸلٸگٸن دەلەلدەگەن. ەندٸ جوبا قازاقستان رەسپۋبليكاسى ٸٸم ۇلتتىق ۇلانىنىڭ بارلىق ەسكەري بٶلٸمدەرٸندە پسيحولوگييالىق مونيتورينگتٸڭ بٸرىڭعاي اۆتوماتتاندىرىلعان قۇرالى رەتٸندە ەنگٸزٸلمەك.
مامانداردىڭ ايتۋىنشا, E-Nazar جٷيەسٸن ٸسكە قوسۋ – ۇلتتىق ۇلانداعى قىزمەتتٸ تسيفرلاندىرۋ جەنە ەسكەري قىزمەتشٸلەردٸ پسيحولوگييالىق قامتاماسىز ەتۋ جٷيەسٸن جەتٸلدٸرۋ باعىتىنداعى ماڭىزدى قادامداردىڭ بٸرٸ.
