Qazaqstan teńgesi banknottary endi tek qazaq tilinde jazylady. Bul týraly «Ulttyq valiýta - Qazaqstan teńgesi banknottary men monetalary dizainynyń tujyrymdamasyn bekitý týraly» QR Prezidentiniń 2018 jylǵy 12 jeltoqsandaǵy № 804 Jarlyǵynda atap kórsetilgen, dep habarlaidy "Ult aqparat".
«Banknottar men monetalar dizainynda paidalanylatyn jazbalar mátini memlekettik tilde resimdeledi. Investitsiialyq jáne kollektsiialyq monetalar dizainynda shet tilderde jazbalar paidalanýǵa jol beriledi», - delingen Qazaqstan teńgesi banknottary men monetalary dizainynyń tujyrymdamasynyń 2-taraýynda.
Sonymen qatar onda investitsiialyq jáne kollektsiialyq monetalar dizainynda monetalar daiyndalǵan metaldy, onyń synamyn jáne massasyn bildiretin jazbalardy paidalanýǵa jol beriletini atap ótilgen.
Aita keteiik, buǵan deiin banknottar men monetalarda memlekettik jáne orys tilderindegi jazýlar paidalanylatyny zańdy kúshinde bolǵan edi.
«Shet tilinde resimdeletin basqa elderdiń tapsyrystary boiynsha daiyndalatyn kollektsiialyq monetalardy qospaǵanda, kollektsiialyq jáne investitsiialyq monetalarda jazýlardyń mátini memlekettik, sondai-aq orys nemese shet tilderinde resimdeledi», - dep jazylǵan edi qujatta.
